ملیریا
امراض،متعدی امراض

ملیریا

26 July, 2021

ملیریا کیا ہے ؟

ملیریا ایک ایسا  وبائی مرض   ہے  جو  ایک  مادہ  مچھر   "اینا فیلس"  کے   کا ٹنے    سے   ہوتا ہے ۔  اینافلیس نسل کے ہر مچھر کے کاٹنے سے یہ مرض نہیں ہوتا بلکہ صرف ملیریا صرف اس مچھر کے کاٹنے سے پھیلتا ہے  جس   کے  جسم کے  اندر  ایک   جراثیم  "پلازموڈیم"  موجود ہو  ۔

 

پلازموڈیم کی اقسام

اس   جراثیم  کی   ۵   اقسام ہیں   :

1.     پلازموڈیم   فالسیپیرم

2.     پلازموڈیم    وائی ویکس

3.     پلازموڈیم ملیریا

4.     پلازموڈیم   اوویل

5.     پلازموڈیم نولیسی

ان  میں   سب   سے    خطرناک دہ   پلازموڈیم فالسیپیرم   ہے ۔

 

پلازموڈیم انسان کے جسم میں کیسے پہنچتا ہے ؟

جب ایک مادہ اینا فیلس انسانی  خون   چوستی   ہے  تو یہ  اپنی   تھوک  کے ذریعہ   جراثیم   کو  انسان   کے  جسم میں    داخل کردیتی    ہے ۔  یہ   جراثیم   پھر    انسان   کے     جگر سے ہوتا ہوا خون کے سرخ خلیوں میں داخل ہو جاتا ہے۔   انسان   کے   خون  میں  موجود   سرخ خلیے یا "ریڈ بلڈسیل"  جسم میں   "ا کسیجین"   کی  فرا  ہمی  کا  ذر یعہ   ہوتے  ہیں۔  ریڈ بلڈ سیل  تباہ  ہونےاور  پلازموڈیم   کے   جسم میں پھیلنے سے انسان کو بخار اور ملیریا کی دیگر علامات ہوتی ہیں ۔  یہ بیماری  عام  طور  پر  گرم  علاقوں  میں   پائی  جاتی ہے  کیونکہ   پلازموڈیم   کو طاقتور  ہونے  کے  لیے  گرم موسم   کی  ضر ورت ہوتی  ہے ۔ 

 

علامات

◄   تیز  بخار

◄   پسینہ  انا

◄   کپکپی طاری ہونا

◄   سر   درد

◄   تھکاوٹ  کا  احساس

◄   جسم  میں    درد

◄   متلی 

◄   الٹی  آنا

◄   جوڑوں میں    درد

یہ  علامات      انسان  کے  جسم میں  پلازموڈیم   کے    داخل ہونے   کے  تقریباً   ۱۰  دن  سے  ۴  ہفتو ں  بعد ظاہر ہونا   شروع ہوتی   ہیں اور  ۲  سے  ۳  دن  کے  وقفے  سے ہوتی   ہیں ۔

 

علاج  کیوں  ضر وری   ہے ؟

بروقت علاج نہ ہونے کی صورت میں ملیریا کے مریض کو درج ذیل مسائل ہو سکتے ہیں:

◄   دماغی مسئلے  جیسا  کے مرگی کے جھٹکے لگنا،  اپنے  حواس کھودینا  اور  کومے  میں   چلے  جانا

◄   گردوں  کا  کام  کرنا  بند  ہونا

◄   شوگر  کا  کم  ہوجانا

◄   خون   کی  کمی 

◄   یر قان

◄   دل  کے  امراض

اگر  وقت  پر  علاج   نہ   کیا   جائے تو  یہ بیماری  جان  لیوا   ثابت  ہوسکتی  ہے ۔

 

علاج  کیسے  کیا  جاتا  ہے ؟

علاج   کا  طریقہ  پلازموڈیم     کی  قسم  ،  مریض  کی  علامات  کی  نوعیت  اور  دوا  کے اثر  انداز  ہونے  کے طریقے پر  مبنی  ہوتا  ہے ۔  چند  دوائیاں  جو  اس مرض میں استعمال  کی  جاتی  ہیں درج ذیل ہیں:

1.     کلوروکوئین

2.     قوئینین

3.     ارٹی میتھر

 

کن  لوگوں  کو  زیادہ  احتیاط  کی   ضر ورت   ہے ؟

1.     وہ  لوگ  جو  ایسے علاقوں میں    رہتے ہو ں جہاں  یہ  مچھر  بہت    پایا  جاتا  ہو۔

2.     وہ  لوگ  جنکی  قوت مدافعت  کم    ہو جیسے  کے  چھوٹے بچے اور بوڑھے لوگ۔

3.     حاملہ  عورتیں

 

کیا  اس  بیماری  کا  کوئی حفاظتی  ٹیکہ ہے؟

ملیریا کا حفاظتی ٹیکہ اب تک نہیں ایجاد ہو سکا۔

 

کیا  یہ  بیماری  ایک  انسان  سے  دوسرے  انسان  کو  لگ  سکتی  ہے ؟

یہ  بیماری  کسی  کو ہاتھ  لگانے سے،  کسی  کے  پاس  جانے  سے  یا  جنسی  تعلق  سے  نہیں ہوتی۔ لیکن  یہ  بیمار  انسان  کے خون  سے  لگ  سکتی  ہے جیسے  کسی کے خون   کواپنے  جسم  میں       لگوانے  سے  یا  اسکی  استعمال  شدہ  سوئی  لگانے سے۔  یہ  ایک  ماں  سے  پیدائش  کے  وقت  یا  حمل کے ۹ مہینے کے دوران  بچے   میں   جا  سکتی  ہے  ۔

 

اس  بیماری  سے  کیسے  بچا  جاسکتا ہے ؟

◄   رات  کے وقت  کوشش  کر کے گھر  میں   رہیں  کیونکہ  یہ مچھر   اس  دوران  کا ٹتا ہے ۔

◄   اگر باہر   جانا  ہو  تو  پوری  استین  کے  کپڑے  استعمال کریں یا مچھر   مار دوائی  لگا  کے  نکلیں ۔

◄   سوتے  وقت  مچھر  سے  بچنے  والی  جالی  کا  استعمال  کریں ۔

◄   گھر میں   مچھر   مار دوائی  کا   چھڑکاؤ  کرتے  رہیں  ۔  

ایک تبصرہ

آپ کا ای میل ایڈریس شائع نہیں کیا جائے گا۔ مطلوبہ فیلڈز کو نشان لگا دیا گیا ہے *